Ipiki ni kimwe mu bikoresho abanyarwanda bakoresheje kuva kera, dore ko byagaragaye ko kera bataranavumbura ubutare, bakoreshaka ikitwa inkonzo, kimeze nk'ipiki ariko ari igiti kigondoye nka yo, ibi mwabisanga mu bitabo by'amateka yo hambere. Aho iterambere riziye rero kandi n'umuntu akamenya gucukura ubutare buvamo icyuma no kugicura neza, Ipiki nyayo yarabonetse.

Hari icyo bimaze gutunga ipiki?

Cyane rwose, igihe cyose ufite ahantu hakomeye ushaka gucukura mu butaka cg mu mabuye, niyo ihashobora. Kubera imiterere yayo isongoye uruhande rumwe, urundi ikagira agatwe kameze nk'isuka, bituma ucukura ugashobora no gusanza cg gukurura ibyo wacukuye.

Imikoreshereze y'ipiki ahantu hatandukanye.

Ubucukuzi bw'amabuye y'agaciro: Mu buryo bwa kinyamwuga kuva kera ipiki irifashishwa mu gucukura amabuye, iyakura aho yometse, ikaba yayamenagura, ikanayakurura byose bikozwe n'umucukuzi w'umwuga.

Ubwubatsi: Aha ipiki irakoreshwa cyane cyane aho ifasha umufundi gucukura urufatiro cg umusingi by'inyubako (Fondation), komora cg gusenya inyubako zishaje n'ibindi.

Ubuhinzi: ipiki ifasha cyane cyane aho isuka itashobora, kubera gukomera no kuremera kwayo, bituma yifashishwa gusiza ahantu, cg gutegura ahagiye guhingwa, usanga akenshi hari ubutaka bukomeye ikaburimarima.

Imihanda n'inzira nyabagendwa: Ipiki idahari, imihanda tubona ntiyaba myiza, cg ngo amazi abone aho anyura. Ibi byose bikorwa habanje kwifashishwa ipiki.

Ikigo gitumiza kikohereza ibintu mu mahanga,gicuruza ibikoresho byinshi byo mu ngo, mu nganda no mu bucuruzi, RIVER TRADING LTD aha nticyahatanzwe. Ipiki ziboneka muri maduka yacyo ni ntamakemwa, zirakomeye, zuzuje ibisabwa kandi zirahendutse.
Umurimo unoze ni isoko y'iterambere.

Inkuru yateguwe na Clement Mukimbili
RIVER TRADING LTD

Ibyifashishijwe mu gutegura inkuru:
Urubuga rwa Google.com
Inkuru ya RUTANGARWAMABOKO kuri Facebook.com
Urubuga rwa Houstonaxe.com